ТАМАҚТАНДЫРУДЫҢ САПАСЫНА МОНИТОРИНГ ЖҮРГІЗУІН ТЕКСЕРУДІҢ ҚОРЫТЫНДЫСЫ 2022-2023 ОҚУ ЖЫЛЫ ҚАРАША АЙЫ

М. Жұмабаев атындағы мектеп-лицей директорының №15 бұйрығына сәйкес, жекелеген санаттағы білім алушыларды тегін бір мезгілдік ыстық тамақпен қамту жұмыстары ұйымдастырылған. 1-11 сынып аралығында барлығы 109 білім алушы ыстық тамақпен қамтылған. Оның ішінде 1 санат-11 білім алушы, 2 санат-71 білім алушы, 3 санат-1 білім алушы, 5 санат- 26 білім алушы. 

Білім алушылардың асханадағы уақытылы тамақтануы мен тамақ өнімдерінің сапалығы, өнімдердің тасымалдануы мен тағамдарды дайындау технологиясы, тоңазытқыштағы тағамдардың жарамдылығына, өнімдердің сақталу мерзімдерін, қажетті ережелердің орындалуын қадағалау үшін мектеп әкімшілігі тарапынан бақылау комиссиясы мен бракеражды комиссия құрылып, асхана жұмысын үнемі қадағалауда ұстайды. Бракеражды комиссия құрамы төмендегідей:

1.      Аширимбетова Ж.А. – бракеражды комиссия  төрайымы

2.      Оспанова А.Ж.- директордың тәрбие ісі жөніндегі орынбасары 

3.      Сеңгірбаева  Ж.- Қамқоршылық кеңес төрағасы 

4.      Стамкулова  Г.Н – ата-ана 

5.      Усубалиева Г.А- мектеп-лицей медбикесі

6.      Абдыкурманова А.Е. – ата – ана

7.      Нағашыбаева С.К.- әлеуметтік педагог

Білім алушыларға берілетін асты  ас мәзіріне сай  және мемлекеттік санитарлық- эпидемиялық қадағалау комитетінің бұйрығымен бекітілген ұсынымдарға сәйкес дайындалуымен асхананың тазалығына, ас үй жұмысшыларының тазалығын, дайын болған асты білім алушыларға ұсыну  мектеп-лицей медбикесінің қатаң бақылауында.  Медицина қызметкері тағамдардың және аспаздық өнімдердің сапасын органолептикалық бағалау журналына жазба енгізе отырып, дайын тағамдардың сапасына органолептикалық бағалау жүргізеді.

Күн сайын тамақ ішетін залда мектеп-лицей директорының бекіткен мәзірі ілінген,  онда тағамдардың атауы, әр дайын тағамның шығымы көрсетіледі. Мәзірде көрсетілген тағамдар мен аспаздық өнімдердің атаулары пайдаланылған рецептуралар жинақтарында көрсетілген атауларға сәйкес келеді. Сапа сертификаттары бар, өнімнің жарамдылық мерзімі сақталған. Асхана кестесі және сынып бойынша тамақтану кестесі бар.

ҚР Денсаулық сақтау министрінің «Қоғамдық тамақтану объектілеріне қойылатын санитарлық-эпидемиологиялық талаптар» санитарлық қағидаларын бекіту туралы 2018 жылғы 23 сәуір №186 бұйрығының 50-тармағына сәйкес, барлық ыдыстар мен шкафтар, ас өнімдерін өңдеуге арналған столдар  таңбаланған.

Мектеп-лицей асханасы таза және жайлы. Санитарлық жағдайы нормаларға сәйкес келеді.  Азық-түлікті сақтаудың температуралық режимі сақталады.  Құжаттама тәртіппен. Күн сайын бракераж журналы жүргізіледі. Өнімдерді сақтау санитарлық нормаларға сәйкес жүзеге асырылады. Ас блогы персоналының медициналық кітапшалары нормативтік құжаттардың талаптарына сәйкес келеді. Асханада ата-аналардың ұсыныстары мен шағымдарына арналған журнал ілініп тұр.