Ата-аналар назарына!!!

Ата-аналар назарына 1-сыныпқа құжат қабылдау 1- тамыз күні аяқталатынын ескертеміз! 2022-2023 оқу жылына 1-сыныпқа құжаттарды қабылдау 2022 жылдың 1 сәуірінен бастап жүзеге асырылады. Өтініштер EGOV.KZ электрондық үкіметінің порталы арқылы ағымдағы жылдың 1 тамызына дейін қабылданады. Мектепке алты жасар балалар мен ағымдағы күнтізбелік жылы 6 жасқа толатын балалар қабылданады. Айта кету керек, баланың жасы 1 қыркүйек айы жағдайына толық 6 жасқа толған болса, барлық балалар қабылданады. Ал жасы толық 6-ға толмаған балалардың (олардың жасы үстіміздегі жылы 1 қыркүйектен кейін толатын болса) тек ата-аналары немесе басқа заңды тұлғалары қалаған жағдайда мектепке бару мүмкіншіліктері бар. Балаларды бірінші сыныпқа қабылдау үшін қажетті құжаттар: • Ата-аналарынан өтініш (немесе оларды алмастыратын тұлғалардан); • Баланың туу туралы куәлігінің көшірмесі; • Денсаулығы туралы анықтамасы (медициналық паспорт); • 063/у нысаны бойынша денсаулық жағдайы туралы құжат; • 3*4 2 фотосурет.